貓貓 - Powered by Discuz! Board

標題: Sony A7c 初體驗(Update 4) [打印本頁]

作者: viewfinder 時間: 2021-2-21 01:12 PM 標題: Sony A7c 初體驗(Update 4)

本帖最後由 viewfinder 於 2021-11-16 02:20 PM 編輯

玩左兩日, 但都試左好耐, 叫做有一個了解啦.

好處
1. 最好就係個側反 mon 啦. 對我地影人, 低炒高炒十分有利, 成部機最好就係依個位.
2. 對焦較 A7III/A7R4 有改進
3. 拍片加入 tracking
4. 4K 拍片散熱力大為提昇, 雖然無 A7S3 咁好, 但室內係一個溫度低地方, 拍兩個鐘無電都未過熱停機. 夏天室外無可能啦, 見過有 youtuber 三十幾度太陽射住得 23 分鐘, 但正常人唔會咁用掛?
5. 輕細
6. 細鋪行貨價錢平宜
7. LCD 似乎較 A7III 略佳(其實分別不大)
8. UHS-II card slot 較 A7III 快, 與 A7R4 同速
9. 相質好少人評論, 個個話同 A7III 一樣, 因為同一粒 sensor. 我用同一支鏡同一個位影, 見到 A7c 清過 A7III 相信同其他零件和 firmware 改良有關. 間接令到 6400/12800iso 可用度提昇.
10. 暫時得 A7c/A7s3 可以用 Sony 軟件令條片防震, 但會 crop 好多, 建議用 ultra wide angle lens 如果咁玩法

壞處
1. EVF 細, 根本用緊 RX100 EVF
2. Custom keys 仲少過 A6600 好唔方便
3. 無左 A7III joystick
4. 無 dual card slots
5. 防震效果應該比 A7III/A7R4 略差, 但企定影分別唔大, 除非一路行一路拍片
6. 色水似乎加少少味精, 但分別只係少少. 個人覺得色水最好都係 A7R4, 比較準確還原白平衡和顏色. 可能 A7c 都係 target family/casual user 而 A7R4 定位專業用戶, 因為一般人會覺得有味精可能好睇啲.

總結: 唔洗諗. 暫時所有 Sony 機中我認為佢係最佳性價比. 本身相片就來得比 A7III 有改善, 經 Topaz Gigapixel AI upscale 到 96MP 後, 基本追到 A7R4 70% 開始接近 A7R4 清晰度(咁當然 A7R4 可以 AI upscale 再清啲). 反觀 A7III 用 AI upscale 後都係得 A7R4 60%.

作者: viewfinder 時間: 2021-3-22 02:19 AM

本帖最後由 viewfinder 於 2021-3-22 02:43 AM 編輯

我已於細鋪入手行貨 A7c 連一個鏡頭, 一隻 LED 燈和兩張 V90 UHS-II 128GB SD card 共花了兩萬多. 黎緊幾個月會入多二至三支鏡頭, 二三隻 LED 燈和一隻閃燈. 全裝備約花費 32~35k.

原本一心等 A7 IV 但睇黎九月先見街, 第一二批貨要訂, 太新既機未試過或全部評測出晒, 我唔敢落訂. 加上 US$2499 多數賣 $19980 太貴. 所以唔等直接入 A7c, 網上登記有 15 個月保養, 保養到先考慮換 A7 IV, 因為又要等跌價. 如果影相唔係清好多, 4K 60fps 會過熱, 咁未必換, 視乎到時有無錢和香港經濟環境.

因為 A7c 同 A6600 差唔多大細, 配上 Tamron 20mm F2.8 或 Samyang AF FE F2.8 系列鏡頭係可以同 model 係人多地方影相都得, 呢點比 A7 IV 方便(A7 IV 好大機會比 A7 III 大, 根據 A7 一部比一部大既習慣, 所以 Sony 另外推 A7c 新系列 for 細 size), 但當然人多地方我都係傾向用手機, 而家啲手機都好清, 同埋手機影相又真係無咩人理.

好啦. 講返我對 A7c 進一步測試既心得. 對焦比 A7R4 和 A7III 快和準, 極低光對焦先唔夠 A7S3 玩. 相質點睇都比 A7III 稍為好一點, 令高 iso 可用度又提昇: 3200iso 仲係好清, 6400iso 都仲合格, 8000iso 還可以, 12800iso 都有手機質素. 我認為 A7c 係現時唯一可以平衡全方位既 FF 機種包括: 價格, 外型, AF, 最高質素既 24MP, 高 iso, 輕細, 色水, 散熱, 續航, 側反 mon, 軟件後製防震.

唔係對高像素有需求, A7c 用返幾年都唔會過時. 但我個人係喜歡高 Pixel, 對 A7R4 61MP 效果有好深刻印象, 不過部機係慢少少, 同埋始終對焦係兩年前科技. 先前有諗過汁部二手 A7R4 玩, 不過太喜歡 A7c 側反 mon 和爽快反應速度(仲有好喜歡啲錢, A7c 價跌左好多). 如果經濟條件許可, 個心明年都係想換 A7 IV 用佢個 30MP sensor. 又或者等明年暑假出 A7R5 先汁部二手 A7R4, 始終 30MP 同 61MP 都仲係有好大差距, 而如果影相對靜態既題材, 例如影樓/影會 A7R4 都尚可應付, 影街要機動性同速度先用返 A7c.

作者: viewfinder 時間: 2021-4-1 12:15 PM

本帖最後由 viewfinder 於 2021-4-1 01:01 PM 編輯

最近用 A7c 影左二次人像, 單計膚色似乎 A7c 比 A7R4 改進一點, 跟返 A7S3. 同場與版友 FujiFilm X-S10 比較過, 覺得 Sony 今次 skin tone 又追貼左富士和 Canon, 開始無需要一定要買 FujiFilm 和 Canon 了, 除非追求極限最好膚色.

總結如果明年經濟太差, 維持現狀不再新增器材. 有錢優先 upgrade A7 IV. 唔夠錢又有少少錢餘就放 Tamon 17-28mm F2.8 買支 Sony 16-35GM F2.8 但始終支鏡太貴有 d 唔捨得. 如果明年我收入仍然一切正常(應該點都少左所以呢個可能性較低), 考慮入部二手 A7R4 玩雙修, 我覺得係影樓可以扒底訓底影都得, 唔一定要側反 mon. 街無可能咁做先用 A7c.

我明白好多人係鏡頭派特別老一輩, 如果出於保值我認同, 論使用性我覺得換機仲實際, 換左機係解放左所有鏡頭潛力, 買一支鏡就只係果支鏡既焦距質素提昇左. 加上新機係色水, 對焦, 拍片都會有所提昇.

P.S. 張 Sony Tough 128GB UHS-II V90 299MB/s SD card 似乎用 win10 format 完 save 相慢左, 用 A7c format 一次先快返. 但 Sony save 相第一秒始終都係有 lag/delay, 就算 FujiFilm X-S10 用慢卡都爽過我 -_-; Sony 有呢到唔好, 屈你買快卡, 如果用慢卡就仲慢.

作者: viewfinder 時間: 2021-6-18 05:06 AM

本帖最後由 viewfinder 於 2021-6-20 02:08 AM 編輯

早排影左幾場外拍, 又係時候更新吓個 post.

我覺得作為一部中價機, 佢係暫時真的最好(我對價錢既定義係 under 10k 叫入門機, 10~20k 中價機, 20~30k 高價機, 個 body over 30k 叫天價機), 用起黎無一種高不成低不就的感覺, 咁佢係 A7III 改進型自然維持高性價比特徵.

1. 最令我意想不到, 最滿意係 A7c + Tamron 17-28 相對小巧體積, 影街就算人多少少地方都無引起太多人既目光(咁係 mk/tst/cwb 唔敢包), 好多人都無望, 最多眼尾望二吓. 遠睇只係一部 apsc size, 啲人唔知 full frame 級. 對我拍攝順利程度起到幫助, 以前用大機+巨鏡明顯好多人望. 有傳 A7 IV 體積增大至 A7R4 呎吋, 雖然對 30MP + 4K 60fps 有期待, 但唔係太想用返大型無反. 同埋 A7c + Tamron 17-28 好方便邊影邊放入袋, 有需要可以立即拎出黎, 唔洗全程渣機係手.

2. 就我個人經驗, 依個只係大約數. under 3200iso 一定 A7R4 清過 A7c, 4000~5000iso 當互有勝負, 低光 6400~12800iso 開始 A7c 贏 A7R4, A7R4 縮圖 24MP 都似乎唔夠打. 咁對我都有用. 因為天氣熱, 外影每次傍晚先開始, 光線已開始暗, 有時影到天都黑埋, 又或者去左 d 陰暗位影. ISO 有時都唔覺意上到高, 但出黎質素都仲合格. 香港天氣愈來愈熱, 第日除左秋冬, 我諗室外只可以影傍晚, 又唔洗比迫用閃光燈咁揚.

3. 色水我覺得 A7R4 中性少少(A7S3 更加中性一點), 可能兩部定位真係專業機. A7c 都有味精, 但比 A7III 為佳.

4. AF 比 A7III/A7R4 好. 但依個價唔會比 A9II/A1 個 AF 你, 依然會唔中焦.

5. EVF 太細真好難睇. 機身防震比較差, 影相還可以, 拍片隻手要好定.

6. Tamron 17-28 唔夠 Sony 16-35 GM 清, 但用左 Topaz Sharpen AI 後銳利度無太大分別, 係 details 位 16-35GM 仍然多 d 嗜. 所以 Tamron 17-28 好抵玩, 特別配 A7c 細機身. 就算有錢入 16-35 GM, Tamron 17-28 可能都要保留; 因為 16-35 GM 只適合影樓/公園, 影街極限都係 Tamron 17-28 或更小型既鏡頭.

暫時我都好滿意. 除非 A7 IV 性能有突破, 明年才考慮換機. 但最新消息指 A7c II 明年下半年會推出, 我見 A7c 係日本都幾賣得, 同埋外國呢二三個月明顯多左人買 A7c, 可能因為 A7III 有快門問題(快門比較容易壞), 一部份原本買 A7III 轉投 A7c. Sony 見 A7c 銷路都唔太差, 著手開發第二代.

但現在好多電子元件或原料都缺貨, 似乎好多新相機都 delay, A7 IV 有機會廷期. 特別係佢作為 Sony 未來主力量產機, 如果無保證足夠供應量, 不如唔出好過.

作者: viewfinder 時間: 2021-11-16 03:19 PM

本帖最後由 viewfinder 於 2021-11-18 12:58 AM 編輯

又係時候更新一吓.

1. 一開始用 A7c 覺得 photo/video 清晰度仲有反應, 比我以前玩過部 A7III 好; 後期有 youtuber 指出晚期 A7 III 其實有改良, 所以 A7c 除對焦和色水外, 其他應該同後期出廠 A7III 接近無異

2. 淘左 A7c smallrig 3212, 用後拍片手持穩定性係好左

3. 有 youtuber 拍片比較過 LCD 色水同和亮度比 A7III 好少少, 但不知後期出廠 A7III 係咪一樣改良左

其實今次想講既係 A7 IV! 原本係好高期望, 點知價錢貴左(想像中 19k -> $20490), 但係影相質素又不如預期, 拍片 4K 60fps 得 1.5x crop.... 立即無興趣, 可能等一年先跌到 19k, 我部 A7c 買左唔夠一年咁樣花費太貴了.

先講相質 A7 IV 大失所望, 也有部份 youtuber 有講出真心話. 我 download 左大量原相 jpg+raw, 部份有用我支 Sony 24-105 F4 影. 個人估計有機會 Sony 將 A7III/A7c 粒 sensor 塞 33MP 入去, 並非新一代 Exmor R CMOS, 而且 low-pass/AA filter 可能用返 A7III/A7c(並非如 Canon R5 45MP 般用新設計 filter); 所以相質不如理想, 放大後 details 比 A7III/A7c 都好少少既, 但 default sharpness 低和 denoise 高, 立體感和通透感似乎還不如 A7III/A7c. 蹤使經 Sony Imaging Edge edit RAW 後, 觀感仍改善不大, 有待研究.

Video 和 AF 係有大改善, 有新 cpu/LCD/EVF/menu/S-Cinetone, 連拍快又有 full size HDMI 和 CF A card 支援. 整體來講, 仍然比 A7III/A7c 好既. 有錢既話我仍然想 upgrade, 不過真係唔值. Video 最好既係有 7K oversampled 4K 4:2:2 10bit(4:2:0 8bit 後製 Slog/HLG 有限), 同埋有 A1 級數 auto focus.

A7 IV 已經脫離左以往 A7 I 至 A7 III 既性價比高特質, 理論上唔應該叫 A7 IV, 反倒比較似係一部 A7S3 + A1 既混合平價版. 高不成, 低不就. 無錢既我都係建議入返 A7III, A7c, A7R3 和 A7R3A 算數. 有錢都係買返 A7S3, A7R4, A7R4A 和 A1 吧.

如果我有錢, 我反而會比較 prefer 一部 A7c 加一部二手 A7R4 或二手 A7S3, 好過換 A7 IV. 不過我唔係成日影相, 買咁多機無咩用. 或者儲多啲錢, 明年底等 A7R5.

歡迎光臨貓貓 (http://www.insider-hd.com/)