貓貓 - Powered by Discuz! Board

標題: [Android] HTC 睇來唔多掂, 同埋手機業前景睇法 [打印本頁]

作者: viewfinder 時間: 2013-7-9 03:12 PM 標題: HTC 睇來唔多掂, 同埋手機業前景睇法

香港出面好多人都有極度錯誤睇法. HTC 係衰自己.... 早期 cut RAM, sense 大食搞到唔穩又慢. 款 out, cut 插卡換電等等.

不過踏入 2013 年後, 硬件已開始追上, 好多人開始覺得夠用, 似乎少左人換機追機. 雖然 HTC One 大賣但高階機銷量已漸見停滯, 銷量似乎比預期差, 加上 HTC One 落重本搏返身, 利潤唔多. 同一時期 Apple 同三星既高階機, 銷量亦漸見下跌.

HTC 無咩專利技術, 好多野買返黎, 成本比別人高, 又要交 Apple 專利費. 佢中/低階其實好難做, 因為固定成本比人高, 除左賣貴, 平既佢根本無肉食. 出面 d 分析員係咁話佢中低階唔得, 根本完全唔識. 中低階老實除左三星同國產機, 根本無咩人掂. 三星自己生產零件, 有成本優勢. 國產機可以走法律灰色地帶, 唔洗交各項專利費又唔洗比 Google 錢, 又可隨意抄人 design. 樣樣野都唔洗驚比人告(山寨大國 ma), 所以成本先可以低. 出面 d 公司又唔係太敢告中國, 原因之一係佢地都想打入中國 market, 又唔想同中國政府反面(因為中國政府都識保護自己產業的).

所以 HTC 除左繼續走高/中高之路, 根本無選擇. 以前 HTC 玩到中低階, 原因之一係當年 smartphone 未流行, 各零件同生產線都貨源足. 而家全世界都玩, 根本好多零件嚴重缺貨, 炒貴晒成本, 所以機價亦都愈來愈貴. 而 HTC 因為而家佢產量唔多, 想拎貨先更加難.

咁隨住 smartphone 漸見成熟, 由高科技轉為生活普通品, 未來應該會由過份集中高階, 開始轉向中/低階. 高階機開始轉向特色機, 例如玩 Camera 或者 Walkman. Apple 亦一直傳出平價 iphone, 如果 market 轉向中低階, 佢出平版 ip 亦指日可待, 否則佢繼續賣六七千蚊一架 ip 無咩客路了.

作者: skylee1991 時間: 2013-7-9 04:57 PM

如果係轉中低階就好lu~唔係挨貴機

作者: viewfinder 時間: 2013-7-9 07:16 PM

貴機會少左人買....

國產近來都多左人用, 大陸 mtk cpu 跑出, 成本平而速度順, 唔洗捱貴 u 行高通. 慢慢中低階出晒 720P IPS, mtk 雙核/四核, 夠晒. Lenovo A820(4.5" IPS 720p, mtk) 同 A830 (5" IPS 720p, mtk) 上面都好賣得.

中低階硬件 cpu/ram/mon 追上, 唔會個個買高階. 前幾年 d 人追手機, 好大程度上比迫, 因為硬件性能嚴重不足, 個個谷住買旗艦年年換.

遲下高階除左花款野 camera/walkman 之外, 無咩再 upgrade(係電量需要有突破). 4k mon 唔係太需要, 1080P 好夠. Ram 多過 2G 無咩用. LTE 夠快. BT 4.0 好正. CPU 可能會繼續快落去, 因為 android 好大機會下一步搞掌上遊戲機, 下一代 psp/ndsl 可能轉埋 android(就好似 ps4/xbox1 轉 x86). 不過 arm cpu 食電問題有待解決.

所以 camera 未來幾年就肯定係 smartphone 重點發展, 因為 system 既 hw 已經解決晒. Cam 會完全追上和取代 DC 只係時間問題.

作者: ddddddd 時間: 2013-7-10 01:29 AM

htc發生咩事? one好似幾賣得呀?

作者: viewfinder 時間: 2013-7-10 01:13 PM

One 重本利潤唔高, 金屬殼成本貴. 所以三星死要用膠, 雖然佢隻膠唔係普通. 金屬生產工時長, 代工廠按工時計算. 產量比膠少賣得少, 金屬材料又貴. 睇下 iphone5 玩金屬叫富士康生產, 叫晒唔掂.

HTC 產量低, 人地代工廠叫價更高. 零件物料攞貨唔係優先, 優先又比錢. 全世界全力生產 smartphone, 好多零件物料供貨緊張, 又炒貴左成本. HTC 唔早宣佈 One 驚比人睇低, 但早宣佈有排未有貨. One 前隻 Butterfly都好叫座又唔利用, 唔知搞咩. 而家賣 One 又整隻 Butterfly S 16GB $6198 ....

4.7" vs. 5" 1080P 硬件分別唔大, 根本一樣, 又玩雙旗艦. 我屌...總知唔知 HTC 搞咩, 佢好鐘意自己打自己, 一貫特色, 所以一路都話佢地 d CEO 係間碟. 當然係有問題, 因為會分簿廣告費. 人地旗艦落一次廣告, HTC 下下要兩次, 仲要廣告費比人少.

講開廣告. 消費者開始理性成熟, 三星純粹靠量既天價廣告費會漸見失效(三星 d 廣告質素真係得啖笑). 不過點解咁多人買三星, 除左跟風, 最主要配件最多/最齊/易買, 因為市佔率高同 Apple 同一道理, 好多人男男女女都係呢個原因買三星/Apple.

http://digital.sina.com.hk/mobile/news/-1-1384860/1.html
HTC股價午盤跌停創7年新低

　由於HTC One廣受好評，而且銷量有所起色，因此投資者一直在密切關注HTC第二季度業績反轉的跡象。HTC One發佈之初的出貨延遲導致該公司第一季度的淨利潤下滑到歷史最低點。

　　雖然HTC上週五了公佈的數據符合自己的營收和營業利潤率預期，但12.5億元新台幣的第二季度未審計淨利潤卻無法滿足投資者的預期──市場平均預計該公司當季淨利潤為20億元新台幣。

作者: egghkm 時間: 2013-7-10 05:14 PM

的確依家既換機潮好明顯系過左...
如果部機吾系壞絕對吾會有換機既念頭出現
一部野要成三四千蚊
都幾拿利~

作者: viewfinder 時間: 2013-7-10 06:04 PM

引用:

的確依家既換機潮好明顯系過左...
如果部機吾系壞絕對吾會有換機既念頭出現
一部野要成三四千蚊
都幾拿利~
egghkm 發表於 2013-7-10 05:14 PM

係...

手機唔同 PC ... 唔洗打咩 3D games 唔洗轉片或者玩 photoshop. 夠用就算. 不過 google I/O 大會都暗示向掌上遊戲機發展, 預期有朝一日想取代 psp/ndsl. 暫時 gaming 仲係 ios 領先, google 肯定想打 Apple

作者: tungchunkit 時間: 2013-7-10 08:47 PM

我個人覺得htc好用過三星

作者: viewfinder 時間: 2013-7-11 03:32 PM

引用:

我個人覺得htc好用過三星
tungchunkit 發表於 2013-7-10 08:47 PM

Sense 對普通人(非工程師)唔錯, 好過 Sony/三星不過佢二個界面以簡潔為主. Sense 最大問題用 ram 多.

HTC 一直有個問題.... 除左一線機更新快, 二線多數得短暫更新. HK HTC 旗艦都更新超慢

所以 HTC 成日比人話中/低階差, 佢中低 d 機有時半年後已經無咩 update

三星/Sony 係咪一樣我唔清楚

但佢 sense 大咬, 中低階機係唔夠 ram run.....

作者: lun0405 時間: 2013-7-17 03:08 AM

其實你睇睇佢MARKETING 就知衰緊, NEW ONE又唔落力賣下廣告, 同期比SONY部Z同三叔S4搶晒風頭
定價又勁貴, BUTTERFLY S 夠膽賣過6K, 你有咩過人之處夠膽貴過人先??而家緊係要搶市佔、搶口碑先啦, 賣行左你想點都得啦

作者: viewfinder 時間: 2013-7-29 02:47 AM

10# lun0405

HTC 放棄香港. 香港人主要跟風同名牌, 邊個廣告勁大晒, 架機幾好都無用. 大致上出街就係三星/Apple/Sony. HTC 無錢落廣告又唔係名牌, 香港 market 玩唔起, 佢有自知之明所以無理過香港

佢係歐美日台都仲有口碑.... 貴佢就無計喇, HTC 唔同三星/Apple/Sony/LG 有好多專利. HTC 只係一間代工廠, 所有料買返黎. 固定成本重, 佢個價合理, 唔係有心掠水. 因為成本有返咁上下, 所以中低階佢無得做.

不過你話要做搶市佔/口碑. HTC 有自己睇法. 手機換代快, 今日比你搶到些少市佔/口碑, 出年又唔同晒, 消費者好現實唔會同你講感情. 你太積極搶市佔/口碑無咩用, 除非你強到好似 Apple/三星可以保證未來三五年都坐梗個位, 否則咁搏命又係無用. 佢而家都係走小眾玩意, 玩個人特色, 係買就買唔買就算. 呢條路要引用太多新/未成熟既科技, 所以風險高. 舊年 One X 行 T3 搞到過熱, 好多死機. 今次 HTC One 就狂死鏡頭....

作者: lun0405 時間: 2013-9-1 02:27 AM

三叔就係用搶市佔方式打翻來, 所以點都有D用既

其實NEW ONE鏡頭方向我幾BUY, 你個感光晶片像素愈高, 出來愈多雜訊..........
不過佢就唔識MARKETING啦, 你壓到500萬像素D人都仲可以接受, 400萬就真係.............

作者: viewfinder 時間: 2013-9-1 05:47 PM

智能電話由 iphone 3gs 時代, 變成日常生活用品. 市佔好重要, 但係市佔要有大規模量產能力. 只有三星/Apple/國產係可以.

現時 1/3" CMOS 做到良好感光度, 係要縮 4M 一係大 CMOS. 8M 1/3" 比較兩邊 balance, 4M pixel 影室外清晰度始終差少少, 好多人會影室外, 好似我地校服點都有一半室外. Marketing 的確 d 人心理接受界線 5M. 唔可以話 HTC marketing, 有佢理由; HTC 無街市師奶同女人用, 睇 spec 做人 pixel 大就係好.

唔止 noise/details 咁簡單. 手機好多相睇落清, 係銳利化 filter 重手, 實際無咁清, 始終都只不過係手機 BSI CMOS. 某程度上 4M 同 8M 分別唔算大, 除非泊埋落 13M 就好大差別. 4M 比佢玩後製空間唔大, UltraPixel 睇落少 d 加工, 好多人會話靚左, 寧願無咁清. 12~13M 後製空間多, 雖然清但味精較多, 例如有過渡銳利化假 feel. 各花入各眼.

屋企 5M 同 8M 同 12M 都有. 唔洗 UltraPixel 都睇到 5M 加工少 d. 我研究左好耐, 都唔識答你邊個好. 5M 一定無咁清, 但又反而順眼 d. 8M/12M 調低銳利無用, d 廠優化過個位, 調低只係夾硬整曚. 魚與熊掌不可兼得, 而家 d 機未得, 等多二三年喇. 不過可以同你講, 我係愈用愈低, 12M 轉 8M, 8M 轉 5M

UltraPixel 最大問題係紫光. 佢 2.0um 感光高加重左散熱問題, 令部份體質唔好既 UltraPixel 容易係長時間拍攝或強光下, 出現損毀. 咁有 d 人又影極都無事, 睇你邊條 line 生產出黎, 一批批貨唔同. 咁就死喇, 你一個唔好採要拎去整二三星期, 唔洗用咩? 唔洗影野呀? 所以 UltraPixel 我唔買喇. 唔可以買水貨, 唔可以 unlock 刷 rom. 成日 check 住幾時有紫光, 幫 HTC 做埋 QC. 咁唔掂.

歡迎光臨貓貓 (http://www.insider-hd.com/)